pakhahou

Wednesday, 25 June 2014

သူ့ အဝိဇ္ဇာထက် ငါ့ အဝိဇ္ဇာ ပိုကြီးနေသလား???


သူ့ အဝိဇ္ဇာထက် ငါ့ အဝိဇ္ဇာ ပိုကြီးနေသလား???


လိုက်၍ ရှာနေကြပါတယ်…
ရှာနေတာက အလိုရှိသော ဆန္ဒရှိသောကြောင့် ဖြစ်ပါတယ်…
တနည်း မရှိတာထက် မသိတာခက်…. မသိတာထက် မသိချင်တာ ပိုခက်တယ်ဆိုတဲ့အတိုင်း …
အားလုံး သိချင်နေလို့ လိုက်ရှာနေကြတယ် မြင်ပါတယ်…
ဘုရားဟောကလည်း သိပ်ပြီး နက်နဲ ကျယ်ပြန့်လွန်းလှပါတယ်…
လိုရင်းကတော့ တစ်ခုတည်း… ဝိမုတ္တိရသ… လွတ်မြောက်ခြင်းဖြစ်ပါတယ်…
အလွယ်ပြောတော့ ခပ်သိမ်းသော ဆင်းရဲမှုတွေ အားလုံးက ကျွတ်လွတ်ရခြင်းလို့ ကောက်ပါမယ်…
ဒီတော့ နိဒါန်းကို အတိုချုပ်ရင် ဘုရားရှင်ကို ဧကန်အမှန် စင်စစ် မျက်မြင်ဒိဠ ဖူးတွေ့ ကြရဖို့ ဆိုတာ အင်မတန်မှ ခက်လှတယ် ပြောလိုပါတယ်…
သာသနာဆိုတာ မဂ်ဖိုလ်အဆုံးအမသာ ဖြစ်ပါတယ်
ဘုရားပေါင်း ၈၄ဝဝဝ ထဲက တစ်ပါးပါး ဖူးမြင်ခွင့်ရရင် ကိစ္စပြီးပါတယ်…
ကိစ္စပြီးတယ်ဆိုတာ ဘုရားစစ် တရားစစ် သံဃာစစ်ကို သိအပ်မှု ကုန်စင်အောင် သိနိုင်တယ် ဆိုလိုပါတယ်…

ယနေ့ ယခု ထိုထိုို ဆိုဒ်များထဲကနေ တရားဓမ္မတွေ မျှကြတာ ရှိကြတယ်…
ဆရာတော်များ မိန့် ဆိုမှုများကို ပြန်လည် ဝေငှကြတာရှိသလို ကိုယ်ပိုင်အသိနဲ့ အများသူငှာ သိပါစေဆိုပြီး စေတနာထား မျှကြတာလဲ ရှိပါလိမ့်မယ်…
သံဃာတော်များလဲ ဆထက်ပိုပြီး သာသနာ့ဝန်ထမ်းလို့ နေရာ နေ့ ရက်မလပ် ဟောကြ ပြောကြ ဆုံးမကြတယ်…
တရားပြဆရာများစွာလဲ နည်းများ စုံလင်စွာနဲ့ သင်ပြကြတယ်…
လေ့လာဆည်းပူး လိုက်ရှာသူများကလည်း  တတ်အားသမျှ ကိုယ်စွမ်း ဥာဏ်စွမ်းရှိသမျှ နည်းမျိုးစုံထဲ ကြိုစားကြတယ်…
ဟိုနည်း ကောင်းနိုးနိုး၊ ဒီနည်း ကောင်းနိုးနိုး စမ်းသပ်ကြတယ်… အားထုတ်ကြတယ်…
သမထကလည်း သမထ အလျောက် ပြောဆို ဆွေးနွေးပါမယ်…
ဝိပဿနာကလည်း ဝိပဿနာ အလျောက် ပြောဆို ဆွေးနွေးပါမယ်…
နှစ်ခုလုံး ဆိုပါကလည်း နှစ်ခုလုံးအလျောက် ပြောဆို ဆွေးနွေးကြပါမယ်…
အားလုံး ဘုရားဟောတရားချည်းပဲ ဘာလုပ်လုပ် စေတနာ အဓိကပြဠာန်းပါမယ်…
သိသလောက် လုပ်သလောက် ရုပ်နာမ်တရားများ ပြတ်သားနားလည်ပြီး တို့ များ သန္တန်မှာ ကိလေသာ မည်၍မည်မျှ စင်ကြယ်လာသည်ကိုတော့ဖြင့် လေ့လာအားထုတ်ကြသူများ ကိုယ်တိုင်ကပဲ သိပါလိမ့်မယ်…
ဒီတော့ လိုရင်းကတော့ဖြင့် သိပါပြီ… လွတ်မြောက်ခြင်း အတွက်သာပဲ ဖြစ်ပါတယ်..
ခက်ခဲလှတဲ့ လူ့ ဘဝရခိုက် တနည်း လွတ်မြောက်ရာ လွတ်မြောက်ကြောင်းတရားများ ပိုင်ပိုင်မိမိ ဖမ်းဆုပ်နိုင်ခိုက် …
ဟိုတရား ဟုတ်နိုးနိုး ဒီတရား ဟုတ်နိုးနိုး ဝိုးတိုးဝါးတား မရေမရာ ဇဝေဇဝါနဲ့ တစ်ခါလာလည်း ဒီနည်း စမ်းလိုက်…တစ်ခါလာလည်း ဟိုနည်းစမ်းလိုက်…လူရူး၊ နတ်ရူး၊ ဗြဟ္မာရူး ဖြစ်ခဲ့ပေါင်းများပြီ…
ကိုယ့်ထဲ ရှိနေတဲ့ တရား… အနီးဆုံးဖြစ်နေတဲ့ တရားကို မမြင်ကျော်ခွပြီး ….
“ငါ” ဆိုတဲ့ အတ္တ အစုအထုပ်ကြီးပိုက်ကာ မိပစ်ဘပစ်၊ သားပစ်မယားပစ် တောတိုးဂူအောင်း နေမှ ရနိုင်တယ် သိနိုင်တယ် ဆိုသော ပုဂ္ဂိုလ်များအတွက် … လွန်ပြီးသား လောက ဝတ္တရားများ၌လည်း မင်္ဂလာတရားတော်နဲ့ အညီ သိရှိနေထိုင်ပါက အောက်မဂ် အောက်ဖိုလ်ကိုမဆိုထားနဲ့ နိဗ္ဗာန်အထိ ပို့ ဆောင်ပေးနိုင်စွမ်းရှိပါတယ်ဆိုတဲ့ ဘုရားဟောလဲ လျှော့ဈေးထဲပါသလိုဖြစ်လျက် ဥာဏ်အမြင် ဝေးကြသည်သာ….
အိမ်ကြို အိမ်ကြားမှ ထွက်၍ ဆိတ်ငြိမ်ရာသို့ ချဉ်းကပ်သော အလုပ်သည် ကံစေတနာအရ အားထုတ်ကောင်းသော အမှုကိစ္စ ဖြစ်၍ အားထုတ်နိုင်လျှင်ကား ကိစ္စမရှိ ကောင်းမွန်ပါသည်…. သို့ ရာတွင် ဤသို့ ဤနှယ် အားထုတ်မှ ရနိုင်မည်ဟူသော အယူအဆကား ကိစ္စ ရှိပေမည်…
အထူးအားဖြင့် ဝိပဿနာဆိုပါလျက် ဝိပဿနာ အဆင့်ထိ မရောက်ရှိဘဲ သမထ ပညတ်ထဲ၌တင် စွဲထင်ကျန်ရစ်နေသည်ကို ပြတ်ပြတ်သိသင့်ပါသည်….
ဝိပဿနာကား အချိန်အခါ နေရာမရွေး ဝန်းကျင်းတစ်ခုလုံး တရားရှု့ဖွယ်ချည်း ဖြစ်ချေပါတော့သည်… ပွားသည်ပြောပြော၊ ကျင့်သည်ပြောပြော၊ နှလုံးသွင်းသည်ပြောပြော… လိုရင်း သမ္မသနဥာဏ်ချက်ထိလျှင် စစ်သော တရားအားထုတ်နေသည် ဖြစ်တော့သည်။
(စွန်းလွန်းဆရာတော် ဘုရားကြီးထံမှ လမ်း၌ ရန်ဖြစ်စကားများနေကြသူများနှင့် ဆုံခိုက် သူတို့ တရားဟောနေကြသည်ဟု မိန့်ဖူးသည်ကို မျှော်ထောက်နိုင်ပါသည်)

အညှာဆန်တက်နေသော လှေကြီး ရွက်မဖြုတ်ဘဲ အားကုန်ရုန်းနေရသလိုလဲ ဖြစ်တတ်တာ သတိပြုကြရမည်ပါ….
ရလို ရောက်လိုသည်က နိဗ္ဗာန်…
ငါ ဒါနပြုနေတယ်…ငါ သီလ စောင့်တယ်…ငါ သမထအားထုတ်ပစ်လိုက်တယ် ဆိုတဲ့ သက္ကာယဒိဠိ ရွက်ပြင်ကြီးက တန်းလန်း… ရွက်မသိမ်းသရွေ့ ခရီးဆက်ဖို့ လမ်း လည်း မမြင်ပါချေကော…

တစ်ခါတစ်ခါ လက်တွေ့ သမားများရဲ့ ကရုဏာသံ ဖြစ်ပါလိမ့်မည်… သူသိသလို သိစေချင်သည့် စေတနာဟုသာ မြင်မိပါတော့သည်…
*အလုပ်လုပ်မှပဲ ကိစ္စပြီးနိုင်တယ်… ဒီလို တောတိုးမှ …ဒီလိုဂူအောင်းမှ… ငါ့လို ရိပ်သာ ဝင်မှ သိကြမှာ... ဒီဆရာတော် နည်းလို လုပ်မှ ….
*သိရုံနဲ့ မပြီးဘူး… သီလ အရင် မစင်ကြယ်ရင် မပြီးဘူး…စိတ် အရင် မစင်ကြယ်ရင် မပြီးဘူး…ဟောတရား နာတရားနဲ့ တရားမရနိုင်ဘူး…
အားလုံး အားလုံး ဒီလိုတွေနဲ့ တုပြိုင် အငြင်းပွား အချိန်ကုန်နေကြ၍ အကျိုးမများလာသည်ကို ကြပ်ကြပ်သတိပြုကြရပါမယ်…
မည်သူမှ မနက်ဖြန် နင် မသေနိုင်သေးပါ ဆိုပြီး ဘွဲ့ လက်မှတ် စာတီဖီကိတ် ရထားကြသည်ဟူ၍ မရှိပါ….
ရုပ်နာမ်ဖြစ်ပျက် ဝီထိသဘော သင်ဖူးကြသူများ ဥပါဒ် ဌီ ဘင် ခဏငယ်သုံးချက်နဲ့  အလွန် လျင်မြန်စွာ ချုပ်ပျက်ဆင်းရဲနေကြတာကို သိပြီး ဖြစ်ကြပါမယ်…
ယခုလက်ရှိ ပစ္စုပ္ပန်ခိုက်မှာပင် ဥာဏ်သက်ဝင်ကာ ဆင်ခြင် ပွားများကြပါလော့….

အထက်က စကားပြောအား ထပ်မံ ရှင်းပါဦးမည်။  ။
*အလုပ်လုပ်မှပဲ ကိစ္စပြီးနိုင်တယ်… ဒီလို တောတိုးမှ …ဒီလိုဂူအောင်းမှ… ငါ့လို ရိပ်သာ ဝင်မှ သိကြမှာ… ဒီဆရာတော် နည်းလို လုပ်မှ ….
*သိရုံနဲ့ မပြီးဘူး… သီလ အရင် မစင်ကြယ်ရင် မပြီးဘူး…စိတ် အရင် မစင်ကြယ်ရင် မပြီးဘူး…ဟောတရား နာတရားနဲ့ တရားမရနိုင်ဘူး…
ပထမ စာကြောင်းက “မှ” ဆိုသည်ရယ်၊ ဒုတိယ စာကြောင်းက “ဘူး” ဆိုသည်ရယ်…
၎င်း အဆို နှစ်ခုလုံးအား ပထမမဂ်က ပါယ်ပြီး ဖြစ်ပါတယ်…
အကြောင်းမှာကား ထိုစာကြောင်း အနက်အဓိပ္ပါယ် ၂ ခုစလုံး ပင် အတ္တ မကင်းသောကြောင့် ဖြစ်ပါတယ်…ဃနမကြေသောကြောင့် ဖြစ်ပါတယ်.....
မဂ်ဥာဏ်ဖိုလ်ဥာဏ် အသာထား၍ ပညတ် ပရမတ်ကိုမျှ ဥာတပရိညာ…ဥာဏ်တွင် ရှင်းရှင်း မပြတ်လင်းသောကြောင့် ထိုထိုသော အယူအဆများ ထားရှိခြင်းသာ ဖြစ်ပါတယ်….
စေတနာကြောင့်ပင် ဖြစ်စေ၊ ကရုဏာကြောင့်ပင် ဖြစ်စေ ပြောဆို လမ်းပြပေးကြပါသော ဓမ္မမိတ်ဆွေ အားလုံးတို့ ကြပ်ကြပ်ကြီး သတိပြုဖွယ် ဖြစ်ပါတယ်…
အဖြေကား…
အလုပ်လုပ်၊ တောတိုး၊ ဂူအောင်း၊ ရိပ်သာဝင်၊ ဒီဒီ ဟိုဟို ဆရာတော်များ နည်းဖြင့် သူ့ အတိုင်း လိုက်လုပ်၍…. တရားရချင်လည်း ရမည်။ မရချင်လည်း မရမည် ဖြစ်မည်။
ဦးစွာ ပထမ သီလလည်း မစင်ကြယ်ပါ၊ စိတ်လည်း မစင်ကြယ်သေးပါ၊ သို့ သော် ဟောတရား နာတရားဖြင့် သက္ကာယဒိဠိအား ပဟာနပရိညာ အဆုံးရှိသော ပရိညာ ၃ ပါးတို့ ဖြင့် အနတ္တကိစ္စပေါက်မြောက်၍ တရားရချင်လည်း ရမည်။ မရချင်လည်း မရမည် ဖြစ်သည်။
ကိုယ်ပိုင် အယူအဆ အတ္တန္နောမထိ အနေအားဖြင့် ယူဆ ဟောပြောပါက ဓမ္မအား အဓမ္မပြုရာ ရောက်ပေတော့မည်။
အဖဘုရားဟောကြားတော်မူခဲ့သည့် နိသတ္တ၊ နိဇီဝ…. ပုဂ္ဂိုလ်၊ သတ္တဝါ၊ အတ္တ၊ ဇီဝ မဟုတ်သော အနတ္တအချက်ကို ပိုင်ပိုင်မိမိ မျှော်ထောက်ကြပါလေ…
ဥာဏ်အိနြေ္ဒအနုအရင့် ကံစေတနာများ မူလအရင်း ဖြစ်တော့သည်သာ…

စောင့်တည်၊ ဖြည့်ဆည်း၊ လိုက်ရှာ နေသည်ကား သီလ၊ သမာဓိ၊ ပညာ။
ရလိုသည်က မဂ်ဥာဏ်ဖိုလ်ဥာဏ် နိဗ္ဗာန်….
ထိုကြောင့်ပင် တွင်တွင် ဆွေးနွေး ပြောဟောနေကြသည်ကလည်း ထိုထိုတရားအစု….
သို့ သော်လည်း ပညတ်၊ ပရမတ်မကြေလျှင်….  ဃနမကြေလျှင်… မည်သည်မည်နှယ်မျှ အနတ္တမပေါက်…
အကြောင်းကား ဆွေးနွေးလိုသည်က ပရမတ္ထ နိဗ္ဗာန်…. အကြေမလည် မရှင်းမလင်း သံသယ အယူအဆ ဖြစ်နေသည်က ပညတ်မကွဲခြင်း….


မဂ်တားဖိုလ်တား အန္တရယ် ၅ ပါးထဲမှ…. ၄ ပါး လုံးလုံး လွတ်သော်လည်း ဒိဠိကိလေသာတစ်ပါး တွင်တွင်းကြီး ခံနေကြ၍သာ…. ၎င်းအခက်ဆုံးသော ဒိဠိကိလေသာ ၁ ပါး မခံပါက…. ထို ၅ ပါးလုံးမှ ကင်းလွတ်ပါက မဂ်ဖိုလ့်နိဗ္ဗာန်အရေးအား ဘုရားတောင် ဆင်း၍ မတားဆီးနိုင်…

အသိနဲ့ အကျင့် တစ်ထပ်တည်းကျခြင်းတည်းဟူသော ၀ိဇ္ဇာစရဏသမ္ပန္နော ဂုဏ်တော်မှာ မြတ်စွာဘုရားရှင်ရဲ့ ဂုဏ်တော်သာ ဖြစ်တယ်ဆိုတာ သိကြရပါမယ်…အလိုရှိတော်မူသည့်စိတ်အား အစိုးရတော်မူထသော မြတ်စွာဘုရားဖြစ်သည်…
ကျန်ရှိပါသော မည်သည့် မည်သည်နှင့်မျှ လားလားမျှ စိုးစဉ်းမျှ မသက်ဆိုင်….
အားကျ ကြည်ညိုရုံမျှသာ ဖြစ်ပါချေတယ်…
ထိုသို့ မဟုတ် စိတ်ကြီးဝင်ကာ…. သိရုံနဲ့ မပြီးဘူးဟ… သိသလောက်ရော ကျင့်ကြလို့ လား … ထိုထို တွေးဆကြံယူလျက် အတ္တန္နောမထိ အနေအားဖြင့် မေးသည့် မေးခွန်းများ သတိပြုဖွယ် ဖြစ်ပါတယ်…
အသိနှင့်အကျင့် လက်တွေ့  တထပ်တည်း ကျမကျ အမှန်တကယ် လုပ်ယူ အားထုတ်ဖူးသူများ သိပါလိမ့်မည်…. 

တရားဂုဏ်သတ္တိများကြောင့် အလိုအလျောက် လာ၍တည်ပါသော အရိယာသီလအား ထောက်ရှ့ မျှော်ကြပါကုန်။

ကိလေသာအပေါင်းအား ဝါသနာနှင့်တကွ ပါယ်သတ်ပါသော မြတ်လှစွာသော အဖဘုရား ဂုဏ်တော်များကိုသာ ဦးခိုက်ကြည်ညိုကြလျက် ဘုရားသား၊ ဘုရားသမီး အကြုံးဝင်ရေး တတ်အားသမျှ သူတော်ကောင်းတရား မှီဝဲကြကုန်ရာ ဖြစ်၏။

သူ့ အဝိဇ္ဇာထက် ငါ့ အဝိဇ္ဇာ မကြီးဖို့ အရေး လေ့လာစရာ လေ့လာ၊ သင်ယူစရာ သင်ယူ၊ ပွားများစရာရှိ ပွားများကြပါကုန်။   ။


ဣဒံ မေ ပုညံ အာသဝက္ခယာဝဟံ ဟောတု။

Tuesday, 3 June 2014

ကဲ….ဝေဒနာ နိရောဓာလိုက်ပဟေ့ (၁)

ကဲ….ဝေဒနာ နိရောဓာလိုက်ပဟေ့ (၁)

 

ဤစာစုသည် ပုဂ္ဂလဓိဋ္ဌာန်အားဖြင့် မည်သူ့ မည်သူကိုမျှ…“မည်သို့ ဖြစ်စေ၊ မည်သည် မသင့်၊ မည်သည် သင့်၏”ဟု ကဲ့ရဲ့၊ ရှုံချ အနေအားဖြင့် ရည်ညွှန်းရေးသားသည် မဟုတ်ပါပဲ ဝေဒနာဖမ်းရန် အားထုတ်နေကြရာတွင် အနည်းငယ်မျှ ဆိုစေကာမူ အထောက်အပံ့ ဖြစ်စေရန် အလို့ ငှာ…တင်သွင်းမိပြန်ပါသည်။

မြတ်စွာဘုရားကိုယ်တော်မြတ် မိန့် မှာတော်မူသည့် အတိုင်း (တနည်း) ကျမ်းဂန်လာ သဘောယုတ္တိအတိုင်း ဟုတ်သည်၊ မဟုတ်သည်ကိုဖြင့် မိမိ ကိုယ်ပိုင် ဥာဏ်ဖြင့် စဉ်းစား ဝေဖန်၍ ချိန်ထိုးထောက်ဆစေချင်တော့၏။

ဝေဒနာပွားများပုံသည် နိဿယျည်း ဟုတ်မှန်ပါက သောတာပန်၊ သကဒါဂါမ် မျှမက ပဋိသမ္ဘိဒါမဂ္ဂနှင့် တကွ လေးမဂ် လေးဖိုလ်ရ၍ အာသဝေါတရား ကုန်ခမ်း ရဟန္တာအဖြစ်သို့ ပင် ရောက်စေသည်ဖြစ်ရာ အင်မတန်မှ အကျိုးများပေတော့၏။
မဟုတ်ခဲ့သော်ကား..…လုပ်ကျိုး မနပ်ပါချေ။
အောက်ပါ စာစုအား အထူးသဖြင့် ဝေဒနာဖမ်းသူများ ရင်းနှီးနေပါလိမ့်မည်….

ထိုင်ပြီးတော့ တရားအားထုတ်၊ ကြာကြာထိုင်တော့ ညောင်းလာ၊ ကိုက်လာ၊ ခဲလာ၊ ကျင်လာ၊ နာလာ၊ သည်းမခံနိုင်လောက်အောင် ဖြစ်လာတော့၏။
ဆင်းရဲပင်ပန်းလာသည့် ဒုက္ခဝေဒနာ ဖမ်းကြလေတော့၏။
ခါးက ကိုက်၏၊ ပေါင်က ညောင်း၏၊ ခြေသလုံးက နာ၏၊ ခါးက ကျင်၏၊ ဒူးဆစ်က ဘယ့်နှယ့်ဖြစ်၏……..
ထိုထိုများကို လိုက်၍ လိုက်၍ ဖမ်းသည်ရှိသော် “ဝေဒနာ” ပေါ်မရောက် “ရောဂါ” ပေါ်သာလျှင် ရောက်သည် ဖြစ်ပေတော့၏။
အဘယ်ကြောင့်ဆိုသည် မေးသော် ဝေဒနာသည် တခြား၊ ရောဂါသည်က တခြားပင်ဖြစ်ပါကြောင်း ဖြေရန်သာ ရှိ၏။

“ဝေဒနာ” ဟူသည် အာရုံ၏ အရသာလေး(အနုဘဝန-အရသာ)အား ခံစားကာမျှသဘောလေးပင် ဖြစ်၏။ ( တံ တံ သုခါဒီနံ ဝတ္ထုံ အာရမ္မဏံ ကတွာ ဝေဒနာဝ ဝေဒယတိ- သမ္မောဟဝိနောဒနီ အဋ္ဌကထာ၊ ၂၅၂)

“ရောဂါ” ဟူသည်ကား နာကျင်တတ်တဲ့ သဘောကို ခေါ်ပါ၏။ (ရုဇ္ဇျတီတိ ရောဂေါ)
သို့ ကြောင့် “ဝေဒနာ”အား လိုက်ဖမ်းသည် မဖြစ်ပဲ “ရောဂါ” ကြီးကို လိုက်၍ လိုက်၍ ရှု့ ခြင်းသည်ပင် အချိန်နှင့်အမျှ ပေတေအောင့်အီးသည်းခံနေခဲ့သည်ရှိသော် ကျင့်သားရခြင်းသည် ဖြစ်၍ ညောင်းခြင်း၊ ညာခြင်း၊ ကိုက်ခြင်းများ ပျောက်သည် အဖြစ်သို့ ရောက်ချေတော့၏။
ဤသည်ကိုပင် ဝေဒနာ နိရောဓာ အခန်းဆိုက်သည်ဟု ဆိုလာကြပေတော့၏။ ဝေဒနာ ချုပ်သွားသည် ဟူ၍ လည်ကောင်း၊ ဝေဒနာ ပျောက်သွားသည် ဟူ၍ လည်ကောင်း ယူဆလာကြ၏။ တစ်ချို့ လည်း “ချမ်းသာလိုက်တာ ပြောမနေနဲ့ ” ဟု ဆိုတတ်ကြ၏။

သို့ ဖြစ်ပါသောကြောင့် “ငါ” ညောင်း၏၊ “ငါ့”ခါး ကိုက်၏၊ ပေါင်ညောင်း၏၊ ခြေကျင်၏….စသည့် အနေအားဖြင့် လိုက်၍ ဖမ်းခြင်းများသည် ဝေဒနာ အစစ် မြင်သည် ဖြစ်သည် မဟုတ်ပါချေ ဟုသာ….။

သမ္မောဟဝိနောဒနီအဋ္ဌကထာ၊၂၅၁- သမ္မောဟဝိနောဒနီအဋ္ဌကထာ သတိပဋ္ဌာနဝိဘင်္ဂဝေဒနာနိဒ္ဒေသ အဖွင့်
“ကော ဝေဒယတိ၊ ကဿ ဝေဒနာ၊ ကိံကာရဏာ ဝေဒနာ” မှ
ကော ဝေဒယတိ ( ဘယ်သူသည် ခံစားသနည်း)……

အထက်ပါ အမေးအား ဤသို့ ဖွင့်၏
“ကော ဝေဒယတီတိ န ကောစိ သတ္တော ဝါ ပုဂ္ဂလော ဝါ ဝေဒယတိ”
သတ္တောဝါ (သတ္တဝါသည် လည်ကောင်း)၊ ပုဂ္ဂလောဝါ (ပုဂ္ဂိုလ်သည် လည်ကောင်း)၊ ကောစိ (တစ်စုံတစ်ယောက်သော ပုဂ္ဂိုလ်သည်)၊ န ဝေဒယတိ (မခံစား)။

“န ကဿစိ သတ္တဿ ဝါ ပုဂ္ဂလဿ ဝါ ဝေဒနာ”
ကဿစိ( တစ်စုံတစ်ယောက်သော)၊ ပုဂ္ဂလော ဝါ(ပုဂ္ဂိုလ်၏ လည်ကောင်း)၊ သတ္တဿ ဝါ(သတ္တဝါ၏ လည်ကောင်း)၊ ဝေဒနာ( ဝေဒနာသည်)၊ န (မဟုတ်)။
သတ္တဝါများ ခံစားခြင်း မဟုတ်၊ ပုဂ္ဂိုလ် ခံစားခြင်းမဟုတ်၊ ငါ ခံစားခြင်းမဟုတ်၊ ယောကျာ်းမိန်းမ ခံစားခြင်းမဟုတ်၊ နတ် ခံစားခြင်းမဟုတ်၊ ဗြဟ္မာခံစားခြင်းမဟုတ်၊ ခွေး-ဝက်-ကြက်-ငှက်တို့ ခံစားခြင်းများ မဟုတ်ပါချေ။….

ဆက်လက်၍ ဝေဒနာသည်ပင် ငါလည်းမဟုတ်၊ ပုဂ္ဂိုလ်လည်းမဟုတ်၊ သတ္တဝါလည်းမဟုတ်၊ အကောင်အထည် အထည်ဒြပ်သဏ္ဌာန်လည်းမဟုတ်၊ အမှုန်အမွား အရေအဖတ်လည်းမဟုတ်၊ အဖြူအပြာအဝါလည်းမဟုတ်၊ လေးထောင့်သုံးမြှောင့်လည်းမဟုတ်၊………
ဝေဒနာခေါ်သည့် ဝေဒနာစေတသိက်-ဝေဒနာက္ခန္ဓာသည် အရိုးရှင်းဆုံးဖြေရသည် ရှိသော်

“ဝေဒနာစေတသိက်သည် ဝေဒနာစေတသိက်ပင်” ဖြစ်ပေတော့၏။
သူ့ သဘော သူဆောင်တတ်သည့် သဘောလက္ခဏာ (တနည်း) ဝေဒယိတလက္ခဏာ (တနည်း) အနုဘဝန- ဖဿဖြစ်စဉ်အခါ ပေါ်လာသည့် အာရုံ၏ အရသာကို ခံစားတတ်သော သဘောမျှသက်သက်ပင် ဖြစ်ပါသောကြောင့် “ငါ့ဟာ၊ သူ့ ဟာ” ဆို၍ မဖြစ်နိုင်ပါချေ။ “အတုံး၊ အလုံး၊ အခဲ” ဆို၍ ရှာမရပါချေ။
“သဘော” မျှသက်သက်သာ ဖြစ်၏။

“ဧဝရူပဥှိ ဇာနနံ သတ္တူပလဒ္ဓိံ နပ္ပဇဟတိ၊ သတ္တသညံ န ဥဂ္ဃါဋေတိ၊ ကမ္မဋ္ဌာနံ ဝါ သတိပဋ္ဌာနဘာဝနာ စ န ဟောတိ” (သမ္မောဟဝိနောဒနီအဋ္ဌကထာ၊ ၂၅၁)
ဟိ(မှန်၏)၊ ယော ဘိက္ခု(အကြင်ရဟန်းသည်)၊ ဧဝရူပံ(ဤသို့ သဘောကို)၊ ဇာနနံ-ဇာနန္တော(သိခြင်းသည်)၊ သတ္တူပလဒ္ဓိံ(သတ္တဝါဟူသော စွဲလမ်းမှု အယူကို)၊ နပ္ပဇဟတိ(မစွန့် ပယ်ခွါ)၊ သတ္တသညံ(သတ္တဝါဟူသော အမှတ်သညာကို)၊ န ဥဂ္ဃါဋေတိ(မခွါ)။(ဝါ) သက္ကာယဒိဋ္ဌိတို့ မခွါ၊ ကမ္မဋ္ဌာနံ ဝါ(ကမ္မဋ္ဌာန်းသည် လည်းကောင်း)၊ သတိပဋ္ဌာနဘာဝနာ စ( သတိပဋ္ဌာန်ဘာဝနာသည် လည်ကောင်း)၊ န ဟောတိ( မဖြစ်)။ ။
သတ္တသညာ- ငါ၊ သူတစ်ပါး၊ ယောကျာ်း၊ မိန်းမ၊ ပုဂ္ဂိုလ်၊ သတ္တဝါ၊ အသက်၊ လိပ်ပြာ ဆိုထားသည့် သက္ကာယဒိဋ္ဌိတည်းဟူသော သတ္တသညာအား မခွာပါပဲနှင့်၊ “ငါ နာသည်၊ သူနာသည်၊ ပေါင်ကိုက်သည်၊ ခါးမျက်သည်၊ ခြေညောင်းသည်၊ ခေါင်းထဲ ဆစ်ဆစ်နာသည်၊…..” စသည့်ထိုထို “ငါ” ဆိုသော အစွဲ၊ ပုဂ္ဂလအစွဲ ဖြင့် ဝေဒနာဖမ်းပြီး အားထုတ်သည် ရှိသော် မည်မျှပင် ရှု့စေကာမူ…ကမ္မဋ္ဌာန်းသည် မဖြစ်၊ သတိပဋ္ဌာန်ဘာဝနာသည်လည်း မဖြစ်ပါကြောင်း……..

ဤသို့ ပင်လျှင်…သတ္တာသညာခေါ်ထားသည့် သက္ကာယဒိဋ္ဌိကွာခြင်း အားထုတ်မှုသည် မဂ်စခန်း၊ ဖိုလ်စခန်း သွားရာ လမ်း၌ နံပါတ်တစ် အရေးကြီးဆုံးသော မဂ်အန္တရာယ် မဂ်တား ဖိုလ်တာ မိစ္ဆာအယူဖြစ်ပါကြောင်း သတိပြု မှတ်သားရပါတော့သည်။ ။

ပုဂ္ဂလဓိဋ္ဌာန်အားဖြင့် ဝေဖန်ရေးသားသည် မဟုတ်….၊ မြတ်စွာဘုရား ကိုယ်တော်မြတ် ဟောကြားပါသော ဒေသနာတော်မြတ်မှ သင့်နိုး ရာရာ ထုတ်နုတ်သင်ပြထားပါသော ပခုက္ကူ ဝိပဿနာ သင်တန်းစဉ်မှ တဖန်မှီး(ကူး)၍ ဓမ္မဒါန ပြုပါသည်။ ။

 


ဆေးခါး (၁)- မိစ္ဆာပဋိပဒါ







ဆေးခါး (၁)- မိစ္ဆာပဋိပဒါ

 

ဝန်ခံချက်။ ။ စာရေးသူသည် ဤဘလောဂ့်အား စာဖတ်သူများ (ဝါ) တစ်မဂ်တစ်ဖိုရ် ရရာရကြောင်း ကျင့်ကြံအားထုတ်နေကြသူများ အကြား မသိသေးသူများအားလဲ သိမြင်လာအောင်၊ သိပြီးဖြစ်သူများအားလဲ ထပ်မံ၍ မိမိတို့ အားပါးတရ ပြုကြပါသော ဒါန၊ သီလ၊ သမထ ကုသိုလ်များအားထုတ်ရာ၌ ဘုရားဂုဏ်၊ တရားဂုဏ်၊ သံဃာဂုဏ်များ အထူးအောက်မေ့ကာ မဂ်လေးပါး၊ ဖိုရ်လေးပါး၊ နိဗ္ဗာန် ခေါ်ရာ “နဝ လောကုတ္တရာဓမ္မ” ကိုသာ တမ်းတရည်မျှော် ကြိုးစားသော ဝိဝဋ္ဋပါဒ ကုသိုလ်သို့ လမ်းကြောင်းပြောင်းလာစေရန် အလို့ ငှာ ရည်သန်၍ တင်သွင်းမိပါသည်။
ဝဋ်သုံးပါး တမ်းတပြီး လုပ်နေတဲ့ ကုသိုလ်မျိုးကို ဝဋ္ဋကုသိုလ်ခေါ်ပါတယ်။
ဝဋ္ဋကုသိုလ်သည် ဝဋ်သုံးပါးသာလျှင် လည်တတ်ပေတော့၏။ ဘုံသုံးပါးသာလျှင် လည်စေတတ်ပါသည်။

“ဝဋ္ဋံ ပတ္ထေတွာ ပဝတ္တိတံ အန္တမာသော ပဉ္စာဘိညာ၊ အဋ္ဌ ဝါ ပန သမာပတ္တိယော၊ သဗ္ဗတံ ဝဋ္ဋပက္ခိယံ ဝဋ္ဋသီသန္တိ ပဋ္ဋသီသတ္တာ မိစ္ဆာပဋိပဒါဝ ဟောတိ”

အထက်ပါ သံယုတ္တအဋ္ဌကထာဆရာ မိန့် ကြားတော်မူသည်မှာ အင်မတန် ခိုင်လုံ တိကျ၊ သဘာဝကျလှသည်ဖြစ်ရာ မှတ်လိုက မှတ်သားနိုင်ပါကြောင်း…
ဝဋ္ဋံ (ဘုံသုံးပါးကို)၊ ပတ္ထေတွာ (တောင့်တ၍)၊ ပဝတ္တိတံ (ဖြစ်သော)၊ အန္တမာသော (ယုတ်သော အပိုင်းအခြားအားဖြင့်)၊ ပဉ္စာဘိညာ ဝါ (အဘိညာဉ် ငါးပါးဆိုသည့် သမထ ကုသိုလ်တို့ သည်လည်ကောင်း၊ ဝါပန (တနည်းကား)၊ အဋ္ဌ သမာပတ္တိယော (သမာပတ်ရှစ်ပါး ဆိုသည့် သမထကုသိုလ်တို့ သည်လည်ကောင်း)၊ အတ္တိ(ရှိကုန်၏)။

သဗ္ဗံ တံ (ထိုအလုံးစုံသည်)၊ ဝဋ္ဋပက္ခိယံ ( ဘုံသုံးပါးသာလျှင် အဖို့ ရှိ၏)၊ ဝဋ္ဋသီသံ (ဘုံသုံးပါသာလျှင်ဦးမူရှိ၏)၊ ဣတိ (ဤသို့ )၊ ဝဋ္ဋသီသတ္တာ (ဘုံသုံးပါးကို ဦးမူအပ်သည်၏ အဖြစ်ကြောင့်)၊ ဣဒံ ဒါနံ (ဤသမထကုသိုလ်သည် ဝါ အဘိညာဉ်ငါးပါး သမာပတ်ရှစ်ပါးဆိုသည့် သမထကုသိုလ်တရားသည်)၊ မိစ္ဆာပဋိပဒါဝ (မှားသော အကျင့်သည်သာလျှင်)၊ ဟောတိ (ဖြစ်၏)။

ဒါနကုသိုလ်၊ သီလကုသိုလ် တို့ ထက် ထိပ်တန်းအကျဆုံးဖြစ်သော သမထကုသိုလ်ကြီးပင်လျက် ဘုံသုံးပါးအား တမ်းတမျှော်မှန်းပြီး အားထုတ် အလုပ်လုပ်ပါက မိစ္ဆာပဋ္ဋိပဒါ-မှားသောအကျင့်ဟူ၍ မြတ်စွာဘုရား ကိုယ်တော်မြတ် မိန့် တော်မူထားပေတော့သည်။
ဘုံသုံးပါး တမ်းတ၍ လုပ်သော ကုသိုလ်တရားများသည် ကောင်းသော အကျိုးပေးသည် စေဆိုသော်ငြားလည်း ဝဋ်သုံးပါးမှ မလွတ်နိုင် မကျွတ်နိုင်သည် ဖြစ်ပါသောကြောင့် “ဘဝကောင်းရာ”၊ “ငါ ကောင်းရာ” အနေအားဖြင့် အမြဲတစ်စေ ကြိုးစားအားထုတ်နေကြပါသော အရပ်သူတော်ကောင်းများရှိပါက ဘုံသုံးပါးမှ လွတ်ရာလွတ်ကြောင်း ဝိဝဋ္ဋကုသိုလ်အားဖြင့် လမ်းကြောင်းမှန်ပြောင်းကာ “နဝ လောကုတ္တရာဓမ္မ” စေတနာ သဒ္ဒါတရား ထက်သန်စွာဖြင့် ကြိုးစားအားထုတ်နိုင်စေရန် အလို့ ငှာ နိဗ္ဗာန်အကျိုးမျှော်၍ နှိုးဆော်တင်သွင်းဖြစ်ပါသည်။ ။

“ဘေး”

“ဘေး”

 

ဘေးကြီး (၄)ပါး
၁) ဝိနိပါတဘေး [ဒေဝဂတိ၊ မနုဿဂတိ၊ ပေတဂတိ၊ တိရိစ္ဆာနဂတိ၊ နိရိယဂတိ ]
၂) နာနာသတ္တဥလ္လောကနဘေး
၃) ဒုစ္စရိတဘေး
၎) အပါယဘေး

ဘေးကြီး (၄) ပါး နှင့် ပတ်သက်သော သံပေါက်
၁။ ဝိနိပါတ၊ စသည်အပြား၊ ဘေးလေးပါး၊ ငါကားမလွတ်သာ။
၂။ ဒါနသီလ၊ သမထ၊ ပြုကြမြဲမကွာ။
၃။ လွတ်အောင် ပြုလုပ်၊ နည်းမဟုတ်၊ မုချမလွတ်ပါ။
၎။ ဝိပဿနာ၊ ပွားများကာ၊ ဥာဏ်သာမူလ၊ မြင်တတ်က၊ မုချလွတ်မည်သာ။
၅။ ဘယ်သူမပြော၊ ဘုရားဟော၊ သဘောယုတ္တိလာ။


လင်္ကာ
သုံးဆယ့်တစ်ဘုံ၊ အလုံးစုံကို၊ ကုန်ကုန်စဉ်းစား၊ ဥာဏ်ဖြင့်ဝါးက၊
များသတ္တဝါ၊ မရှားသာအောင်၊ ငါးဖြာဂတိ၊ ကြုံတိုင်းငြိခဲ့၊
ဝိနိပါတ၊ စသည့်တစ်ဖြာ၊ နာနာသတ္တ၊ ဥလ္လောကနှင့်၊
အပါယမည်၊ တစ်လီဒုစ္စရိ၊ ပေါင်းကာညှိသော်၊ မည်ရှိသေချာ၊
များသူငါကို၊ လေးဖြာဘေးကြီး၊ ကိုယ့်အနီးတွင်၊ ကာဆီးရစ်ပတ်၊
အထပ်ထပ်ဟု၊ မပြတ်ခိုင်ခိုင်၊ မလွတ်နိုင်လို့ ၊ လွတ်ပိုင်လွတ်ခွင့်၊
လွတ်အောင်ကျင့်လည်း၊ အသင့်မဟုတ်၊ တစ်ဆင့်ယုတ်ခဲ့၊
အလုပ်နှင့်ဥာဏ်၊ ဤနှစ်တန်မှာ၊ ဥာဏ်သာမူလ၊ သူမရလို့ ၊
ဒါန သီလ၊ သမထမျိုး၊ လွန်အားကိုးသော်၊ အကျိုးမပြီး၊
အချည်းနှီးတည်း၊ ခရီးမပေါက်၊ လမ်းမရောက်ခဲ့၊ ကြောက်စရာဘေး၊ လွတ်ဖို့ ဝေး၏။
မျှော်တွေးကြံဆ၊ ဥာဏ်ပါးဝမှ၊ မုချဧကန်၊ လွတ်ကြောင်းမှန်လိမ့်၊
သယမ္ဘူနတ်၊ ဘုရားမြတ်၏၊ မိန့် မှာတော်မူ၊ ဥာဏ်ငါးဆူဝယ်၊
ဘယ်သူဘယ်သင်း၊ ဘယ်မငြင်းနဲ့ ၊ အမင်းမင်းတို့ ၊ တင်းတင်းကြပ်ကြပ်၊ ရှင်းရှင်းမှတ်လော့၊
ဝိပဿနာ၊ ဥာဏ်မဟာကို၊ သမ္မာဒိဋ္ဌိ၊ ဟုတ်တိုင်းသိက၊ မငြိကင်းကွာ၊ အေးငြိမ်းရာသည်၊
လေးဖြာဘေးကြီး - လွတ်ကြောင်းတည်း။ ။

ပခုက္ကူဝိပဿနာ သင်တန်း မှတ်စုအတိုချုပ်မှ ဒါနပြုပါသည်။

 


ဓမ္မပမာဏ

ကဗျာဟူသည် ရှေးပညာရှိ ကဝိစာဆို ဆရာတော်ဘုရားကြီးများ၏ ကိုယ်ပိုင်ဥစ္စာဟု ဖတ်မှတ်ဖူးပါသည်။
သို့ ဖြစ်ပါ၍ အောက်ပါ စာစုအား ကဗျာအမျိူးအစား တစ်ခုနေဖြင့် မဟုတ်ဘဲ မြန်မာစာရှည် အရေးအသား မကျွမ်းကျင် မပိုင်နိုင်ပါသောကြောင့် စာလုံးတိုဖြင့် ရေးထားမိခြင်းသာ ဖြစ်ပါကြောင်းနှင့် ဖတ်လိုသူများ ဖတ်နိုင်ပြီး၊ မဖတ်လိုသူများ လစ်လျူရှုပေးစေလိုပါကြောင်း မေတ္တာဖြင့် တင်သွင်းမိပါသည်။

ဓမ္မပမာဏ

တရားမမြင် ၊ဘုရားထင်ခက်
ယှဉ်နှင်တွဲသွား ၊ပျော်ပွဲစားယောင်
လွဲမှားဆောင်ကြ ၊ထိုနောင်တများ
ခုမှမနှိုး ၊ဘယ်မှာနိူးလိမ့်
အကျိုးမျှော်မှား ၊အပါယ်လားတည့်။ ။
မိရိုးဖလာ ၊ကိုး၍သာသည်
ဘယ်ခါဥာဏ်တွင်း ၊အာရုံသွင်းလျက်
ဘယ်ဆင်းဘယ်ပုံ ၊တရားဂုဏ်အား
သိရုံသာလုပ် ၊ကြိုးမကုပ်က
ဆိုးရုပ်သဏ္ဌာန် ၊တိရိစ္ဆာန်နှင့်
လွဲဟန်မခြား ၊“ကျိုးတရား”တည်း။ ။
သဒ္ဓါပြတ်သား ၊လွန်စိတ်ထားလျက်
ကျက်စားအမှန် ၊ရုပ်နှင့်နာမ်ကား
ဧကန်မုချ ၊မဟုတ်ရ“ငါ”
ထုတ်ပြရာခက် ၊သဘောဓာတ်ဟု
ဖြတ်တတ်စည်ကြံ ၊ရည်၍ပန်သည်
နိဗ္ဗာန်ရောက်လား ၊“ကြောင်းတရား”တည်း။ ။